 |
|
Foto: Bjarte Skipevåg/Suldal kommune |
|
Huset blei bygd av sagbrukseigar Sven Daniel Svensen i 1916. Svensen sette etterkvart også opp Svensasaga på Groen, og var ein viktig og markant forretningsmann på strandstaden. Huset blei sett opp i frodig sveitsarstil, med flotte detaljer og såkalla snikkar gleder. Det var ein stor og flott villa, som den gongen ruva godt over bebyggelsen på strandstaden. Takka vera særs god istandsetting av Svensahuset, har huset fått att sin prakt og troner fortsett svært synleg der folk flest ferdast på Sand. Det er ein historisk viktig bygning, og det er ein bygning som har stor miljømessig kvalitet for strandstaden.Det arbeidet Jan Erik Kalstveit har gjort med huset, er ein pris verdig. At det var nettopp han som kjøpte huset, har vore ei lukke for oss alle.
undefinedundefinedundefinedundefined I 2007 Kjøpte Jan Erik Kalstveit huset. Det bar då sterkt preg av manglande vedlikehald over fleire år, og det måtte til grunnleggande reparasjonar. Dei største arbeida har vore utskifting av grunnmur i sørvestre hjørne, og tilbakeføring av verandapartiet mot sør. Dører og glas er reparerte, alle vindskier er skifta, og det er lagt inn lappsløysar på alle gavlane. Pipene er rehabiliterte, og det er lagt nytt bly rundt pipa. Alle sløysar, takrenner og nedlaup er skifta til sink. Det er lagt isofiber i etasjeskilla, elles er det ikkje lagt inn noe meir isolasjon. Det er lagt stor vekt på å ta vare på den store detaljrikdomen på huset, med spir, listverk og utsaga detaljer. Rosettane veit me er på veg. Strukturen i huset er tatt vare på, og blir understreka av tilbakeføringa av verandaen.
Det gamle uthuset er tatt ned, men skal settast oppatt som garasje, med same materialbruk og detaljer som det gamle. Det nye uthuset/garasjen vil det bli ein fin avslutning på den hellelagde plassen bak huset.
 |
|
Foto: Bjarte Skipevåg/Suldal kommune |
|
Komiteen har valt å gje bygningsvernprisen for til Svensahuset for eigarens vilje til å ta vare på dei originale bygningsdelane, eller rehabilitera dei framfor å skifta dei ut. Arbeida som er gjort med huset er gjort på ein pietetsfull måte. Det er ikkje skifta meir ut enn høgst nødvendig, og det som er skifta, er gjort med same materialar og på same måte som det originale.
Suldal kommune sin byggeskikkomite 2009
Rolf Skjelstad, Kari Vaage Gjuvsland, Grete Holmboe
Sekretær
Bjarte Skipevåg